Корея Республикасы Инчхон қаласында өткен Әлем чемпионатында Жамбыл облысы Полиция Департаменті Оқу-жаттығу взводының инспекторы, полиция аға лейтенанты Ерлан Махмудов жауынгерлік самбодан 68 келі салмақ дәрежесінде 3 орын тұғырынан көрінді, — деп хабарлайды «ZhambylNews» АА облыстық ПД баспасөз қызметіне сілтеме жасап.
Чемпионатқа жалпы 80 мемлекеттің балуандары қатысқан. Аталған сайыста Қазақстан құрама командасының қоржынына 4 күміс, 5 қола медаль түсті.
Ал, жалпыкомандалық есепте 80 мемлекеттің арасында ерлер құрама командасы 6-орын, қыздар құрама командасы 3-орынды иеленді.
