Астананың жол инфрақұрылымы бірте-бірте велосипедшілердің жүріп-тұруына ыңғайлы бола бастады, веложолдар салынып, велосипедшілерге көмекберетін құрылғылар салынды, — деп хабарлайды «Zhambylnews» AA Baq.kz ақпарат агенттігіне сілтеме жасап.
«Велосипедшілердің жүруі шектелген учаскелер бар. Ол үшін тыйым салатын жол белгілері орнатылған. Осындай белгілер орнатылған жерлерде жүруге болмайды. Жағалауда серуендеп жүретін адамдар өте көп, сол себепті ол жерде велосипедпен жүруге тыйым салынған», — деді Қ. Еркінов.
Велосипедшілер өздеріне арналған арнайы жол болмаған жағдайда, жолдың шетімен және автобустарға арналған жолақпен жүруге құқылы, бірақ тек 14 жасқа толған жағдайда ғана.
Сондай-ақ, полиция қызметкері атап өткендей, механикалық көлік құралдарының жүргізушілеріне велосипедшіге арналған жолмен жүруге, аялдауға немесе көлік құралын қоюға қатаң тыйым салынады.
«Көлік құралдары велосипедке арналған жолға мына жағдайда ғана шығуға құқылы, егер жол бөлігі мен велосипед жолының арасында – үзік сызық болса. Үзік сызық болған жағдайда олар жолаушыларды отырғызу және түсіру немесе аулаға кіру, ауладан шығуға мүмкіндік алады», — деді ол.