Бүгін Тараз қалалық ардагерлер кеңесінің ұйымдастыруымен «Қайнар» кафесінде «1 қазан -Халықаралық қарттар күніне» орай мерекелік іс-шара өтті, — деп хабарлайды «ZhambylNews» Ақпараттық Агенттігі.
Мерекелік жиынға Ұлы Отан соғысы мен тыл ардагерлері, қалалық ардагерлер кеңесінің мүшелері қатысты.
Шара барысында қарттарға арнайы мерекелік дастархан жайылды. Ерекше көңіл-күй сыйлау мақсатында қариялардың құрметіне ән шырқалып, құттықтаулар айтылды.
Сондай-ақ, Қазақстанның еңбек қайраткері, «Қазфосфат» ЖШС бас директоры Мұқаш Ескендіровтің атынан ардагерлерге арнайы азық-түлік себетін табыс етті.
