Денсаулық сақтау басқармасының басшысы көп балалалы отбасына ізгі ниетін жолдады

Облыс әкімдігі денсаулық сақтау басқармасының басшысы Марат Жұманқұлов 8 наурыз – Халықаралық әйелдер мерекесі қарсаңында Тараз қаласындағы емдеу-алдын алу мекемелерінде тіркеуде тұрған көпбалалы, әлеуметтік жағдайы аз қамтылған бірнеше отбасылардың шаңырақтарына құттықтап барып, оларға азық-түлік, балаларға киім-кешек, тұрмысқа қажетті заттар беру арқылы сый-сияпат жасады, — деп хабарлайды «ZhambylNews» Ақпараттық Агенттігі.

Басқарма басшысымен бірге №5 қалалық емханасының бас дәрігері Динара Сәрсенова және осы мекеменің учаскелік дәрігері, медбикесі де бірге барып, балаларды медициналық тексеруден өткізді.

1976 жылғы Әлия Шалдыбаеваның 7 баласы бар. Жолдасы — қарапайым жұмысшы. Б.Момышұлы көшесінде 1 бөлмелі пәтерде тұрады.

Басқарма басшысы көп балалы анаға ыстық ықыласы мен жылы лебізін білдіріп, Ә.Шалдыбаеваға балаларымен санаторийға жолдама қарастыруды тапсырды.