Жамбылда темір тор тәртібін бұзбақшы болған азаматша құрықталды

0
27

Жамбыл облысында күні кеше жұбайына келген Шымкент қаласының тұрғыны  43 жасар азаматша ұсталды. Ол жасырын түрде темір торға оң жақ аяғының шұлығына тығып, 5 мың көлемінде қаражат алып өтпекші болған, – деп хабарлайды “ZhambylNews” Ақпараттық Агенттігі.

«Қазіргі таңда оған қатысты ҚР Әкімшілік құқық бұзушылық туралы кодпексінің 481-бабы бойынша хаттама толтырылып, іс-құжаттары сотқа жіберілді. ҚР Қылмыстық-атқару кодексінің 98-бабы бойынша аталған азаматшаның 1 жылға дейін сотталғандармен кездесуіне тыйым салынады. Сондай-ақ, сотқа байланысты ескерту немесе айыппұл түріндегі жаза қолданылады», – дейді 158/7  түзету мекемесі басшысының міндетін атқарушы Мейірғали Рақышев.

Айта кетейік, жыл басынан бері Жамбыл облысындағы қылмыстық атқару жүйесі департаментіне қарасты мекемелерде осыған ұқсас 4 оқиға тіркелген. Жазасын өтеушілердің туыстарынан тәркіленген тыйым салынған дүниелердің дені – ұялы телефондар мен ірі көлемдегі сим-карталар, сондай-ақ, ақша және есірткі заттары.

ҚАЖД ЖД 158/7 түзеу мекемесінің баспасөз қызметі

Жауап калдыру

Please enter your comment!
Please enter your name here