Тараз қаласының әкімі Айтқазы Қарабалаев анасымен бірге дауыс берді

0
80

Тараз қаласының әкімі Айтқазы Қарабалаев №53 орта мектепте  орналасқан сайлау учаскесінде анасымен бірге келіп, алғашқылардың  бірі болып дауыс берді, — деп жазады “ZhambylNews” ақпарат агенттігі.

Сақтық шаралары мен әлеуметтік қашықтық сақталған сайлау учаскесінде  өз таңдауын жасағаннан кейін қала әкімінің анасы  науқанға атсалысып жатқандарға ақ батасын беріп, елдің тыныштығы мен дамуына тілектестік білдірді.

Жалпы, Тараз қаласы бойынша бүгін 125 сайлау учаскесі жұмыс істеп тұр. Статистикалық мәліметке сәйкес, көне шаһарда 255 мыңнан астам сайлаушы дауыс береді деп күтілуде.  Ал  дауыс беру құқығын алғаш рет пайдаланып отырған тараздық жас сайлаушыларға естелік сыйлықтар берілмек.

Сондай-ақ, алғашқы болып дауыс берген жүз сайлаушы «Қазақстан»  тәтті шоколадымен ынталандырылады.

Жауап калдыру

Please enter your comment!
Please enter your name here