Жамбылдық спортшылар Румынияның Бухарест қаласында өткен X әлем чемпионатында бақ сынап, жүлдемен оралды, — деп хабарлайды «ZhambylNews» Ақпараттық Агенттігі.
Дүбірлі доданың қорытындысы бойынша әйелдер арасында I орынға Айкерім Рахметулла жайғасты.
Сондай-ақ, I орынды 14-15 жас аралығында Аяжан Ғаниқызы, 12-13 жас аралығы бойынша Арай Смет және 10-11 жас бойынша Дания Ахметова алды. Бұған қоса командалық кумитэ бойынша Аружан Сатыбалды мен Зарина Серікбаева жүлделі I орыннан көрінді. Ал ерлер арасында 12-13 жас аралығында II орынды Ерсұлтан Мұрат, Мирас Жігіт және Бекзат Тұрсынбай қанжығасына байлады.
Айта кетейік, спортшылар ендігі кезекте Балқашта өтетін Халықаралық турнирге дайындықтарын бастап кетті.
Бас бапкер — Кульбаев Бағлан.
