2022 жылдан бастап азаматтық қызметкерлердің жалақысы 20 пайызға өседі. Бұл туралы бүгін Мемлекет басшысы Қасым-Жомарт Тоқаев Қазақстан халқына Жолдауында айтты, — деп хабарлайды “ZhambylNews” AA.
«2020 жылдан бастап, 600 мыңнан астам педагог пен дәрігердің, әлеуметтік сала қызметкерлерінің жалақысы өсті. Бірақ, бюджеттен қаржыланатын өзге сала азаматтары бұдан тыс қалды. Олар: мәдениет қызметкерлері, мұрағатшылар, кітапханашылар, техникалық қызметкерлер, көлік жүргізушілер т.б. Сондықтан 2022 жылдан 2025 жылға дейін мемлекет осы санаттағы азаматтық қызметкерлердің жалақысын жыл сайын орта есеппен 20 пайызға өсіретін болады. Тұтастай алғанда тағы 600 мың отандасымыз бұл бастаманың игілігін көреді» — деді Мемлекет басшысы.
