Елдің ертеңін жастарсыз елестету мүмкін емес.
Бүгінгі жас ұрпаққа сапалы білім, тұрақты жұмыс, жаңа кәсіп игеру мүмкіндігі, баспана, спорт пен шығармашылыққа жағдай қажет.
Әсіресе өңірлерде жастардың өз туған жерінде қалып, еңбек етуіне мүмкіндік жасау маңызды. Себебі аймақтың дамуына үлес қосатын негізгі күштің бірі – білімді әрі белсенді жастар.
Сондықтан елдің қоғамдық-саяси өміріндегі маңызды мәселелерді талқылағанда жастардың пікіріне де назар аударған жөн.
Құрылтай сайлауы қарсаңында қоғам үшін маңызды бағыттардың бірі ретінде жастардың мәселелерін де ой елегінен өткізуге болады.
Болашақ дегеніміз – бірнеше жылдан кейін келетін белгісіз уақыт емес. Болашақ бүгінгі білімнен, еңбектен, жауапкершіліктен және қабылданатын шешімдерден қалыптасады.
Жастарға мүмкіндік жасау – елдің ертеңіне инвестиция жасау.
ЖҰМӘДІЛ ОРЫМБАЕВ, Жаңатас қалалық ардагерлер кеңесінің төрағасы
