Шу ауданының әкімі Нұржан Календеров Шу қаласындағы орталық «Сауда сервис» базарын аралады. Мұндағы ашық базарлар жабық үлгідегі нысандарға көшіріле бастаған. Қазірдің өзінде 1000 жуық кәсіпкер жабық үлгідегі жаңа нысандарға көшірілген, — деп жазады ZhambylNews” ақпарат агенттігі.
Айта кетейік, бұл жұмыстар 2023 жылдың соңына дейін аяқталатын болады.
— Сауда орындары халықтың көп баратын жері. Онда ақша әрі тауар айналымы қызу жүреді. Сондықтан да мұндағы сатушылар мен тұтынушылар үшін санитарлық нормалар мен қауіпсіздік шараларын қамтамасыз етудің маңызы зор. Халыққа қызмет ететін кез келген заңды тұлға өзі иелік ететін кәсіпкерлік нысанын мұнтаздай етіп тазалап, жан-жағын абаттандыруы керек, — деді аудан әкімі.