Жамбыл облысы бойынша ҚАЖД №58 мекемесінің бастығы әділет полковнигі Ерлан Тоқанов жеке құрам арасында ішкі істер органдары қызметкерлерінің қызметін регламенттейтін нормативтік құқықтық құжаттарды зерделеу, сыбайлас жемқорлыққа қарсы тақырып бойынша түсіндірме жұмыстарын жүргізді.
Қызметкерлердің сотталғандарды қадағалау жөніндегі міндеттер мен нормативтік актілердің талаптарын білу барысын тексерді. Сонымен қатар, кезекші ауысымының назарына мекемедегі жағдайды жеткізу, міндеттер қою және оларды орындаудың ерекшеліктерін түсіндіру, қадағалау күштерінің, оның ішінде сотталғандардың ерікті қызмет ету ұйымдарымен бірге өзара іс-қимыл жасаудың тәртібін белгілеу, сыбайлас жемқорлық қауіптерін азайту жөніндегі мемлекеттік органдар қызметінің тиімділігін арттыру мәселелері мекеме қызметкерлерінің назарына жеткізілді.
