Этностар арасында достық, ынтымақтастық, бірлікті нығайту, насихаттау мақсатында «Қоғамдық келісім» КММ мекемесі «Қазақстан бірлік пен татулық мекені!» атты мерекелік іс-шара ұйымдастырды, — деп хабарлайды «ZhambylNews» АА.
Концерт шымылдығын «Үкілім-ай» би ансамблі «Қазақ биімен» ашты. Ал қаламыздың жас әншісі — Нұртілеу Нұрланұлы «Батырлар ұраны» атты әнін шырқаса, Жамбыл облыстық «Радонеж» орыстар қоғамдық бірлестігі мүшесі – Антонина Беляева «Черемуха» әнін дүйім жұртқа арнады.
Сондай-ақ, «Әулиеата» қазақ мәдени орталығының мүшесі — Мадина Бекмурзаева «Қазақ вальсінің каролі» — Шәмші Қалдаяқовтың «Сыған серенадасы», Бекзат Жамақұл «Дүнген қызы» әндерін жиналған қала тұрғындарының назарына ұсынды.
Кеш соңында «Ахыска» түрік этномәдени бірлестігінің жас мүшесі — Айхан Фейзев достық пен бірліктің символына айналған «Алға Қазақстан» әнімен аяқтады.
Айта кетейік, Жамбыл облыстық «Ассамблея жастары» РҚБ белсенділер қонақтар арасында ауыз бекіткен жамағатқа су және құрма таратып берді.