Бүгін Мемлекет басшысының Жарлығымен Жамбыл облысының әкімі Ербол Қарашөкеев Аналар кеңесінің төрағасы Эльмира Мырза-Ғалиге мемлекеттік «Құрмет» орденін табыстады.
Құрметті Эльмира Мырза-Ғали, Сізді жоғары мемлекеттік марапатыңызбен шын жүректен құттықтаймыз! Бүгінгі алған наградаңыз – ел дамуына қосқан елеулі үлесіңіздің, табанды еңбегіңіздің және жоғары кәсібилігіңіздің айқын көрінісі.
Осы мерейлі сәтте Сізге зор денсаулық, отбасыңызға амандық, еңбегіңізге толағай табыс тілейміз! Алдағы уақытта да жаңа жетістіктерге жетіп, биік белестерді бағындыра беруіңізге тілектеспіз. Еліміздің игілігі жолындағы еңбегіңіз әрдайым жемісті болсын!
