ҚР БҒМ «Сейсмологиялық тәжірибе-әдістемелік экспедициясы» ММ сейсмикалық стансалар желісі Алматы маңында жер сілкінісі болғанын мәлім етті, деп хабарлайды Baq.kz ақпарат агенттігі.
«Бүгін таңғы 7 сағат 56 минут 36 секундта эпицентрі Алматы қаласынан оңтүстік-батысқа қарай 576 шақырым қашықтықта, Өзбекстан аумағына қарай жер сілкінісі тіркелді. Жер асты дүмпуінің энергетикалық санаты — 10.0. Магнитудасы — 4.7 MPV. Бағыты — 41.65° с.е. 70.23° ш.б. Тереңдігі – 20 шақырым. МSК-64 бағаны бойынша сезілуі туралы мәлімет жоқ», — делінген хабарламада.
Еске сала кетсек, 2 ақпанда Алматы қаласында жер сілкініп, 2-3 балл сезілген болатын.
Дереккөз: Baq.kz
