Геннадий Головкин Сауль Альварестің допинг сынамасына қатысты дауға пікір білдіре келе, өзі қалай тексеру сынамасынан өтетіндігі туралы айтты, деп хабарлайды Sports.kz.
«Головкин соңғы екі апта ішінде төрт рет тексеру сынамасынан өткенін және әуесқой боксқа келген сәттен бастап жиырма жыл допинг тексеруінен өтіп келе жатқанын айтты», — деп жазады Los Angeles Times.
Еске сала кетейік, мексикалық боксшы Сауль Альварестен алынған допинг сынамалардың бірінен тыйым салынған препарат табылған болатын. Бұл оқиғаға қатысты Головкин мен Альварестің 5 мамырдағы жекпе-жегі тоқтатылмауы мүмкін.
Дереккөз: oinet.kz
