Қытайда ұсталған 90 жастағы қазақ әжей Қазақстанға оралды, — деп хабарлайды «Zhambylnews» AA Sputnik Қазақстан — ға сілтеме жасап.
2 маусымда Қазақстанның Қытайдағы елшілігі мен Қытайдың қоғамдық қауіпсіздік министрлігі арасындағы уағдаластықтардың арқасында ҚХР Шыңжаң-Ұйғыр автономиялық аймағында дүниеге келген 90 жастағы этникалық қазақ Қазақстанға қайтып оралды.
«Кейуана мен оның ұлы осы жылдың 29 мамырында Бейжіңде көші-қон заңнамасын бұзғаны және ҚХР аумағында заңсыз болғаны үшін ұсталған болатын. Кейіннен анықталғандай, әжей мен оның отбасы Қытайға 2017 жылы наурызда келіп, визада белгіленген мерзімді (30 күн) сақтамай, бір жылдан астам ел аумағында болған. Елшілік қызметкерлері Қытай құқық қорғау органдарымен дереу байланысқа шықты. Белгілі болғандай, қазақстандықтар қос азаматтық үшін ұсталған», — деп жазды Жайнақов фейсбуктегі парақшасында.
Қытай тарапы мен Қазақстан елшілігінің көмегі арқасында ұсталғандарға тез арада Қытай азаматтығынан айырылу туралы құжат және оларды айыппұлсыз әрі уақытша ұстау изоляторына қамаусыз Қазақстанға депортациялау ресімделді.
