Астананың 20 жылдығы: Тараз тұрғындарына мерекелік тегін торт ұсынылды (ФОТО)
Бүгін Тараз қаласы Т.Рысқұлов атындағы өнер және демалыс саябағында этномәдени бірлестіктердің «Асқақ Астана» атты акциясы өтті, — деп хабарлайды «Zhambylnews» AA.
Астананың 20 жылдығына арналған акцияда концерттік бағдарлама ұйымдастырылып, «Әулие Ата» қазақ мәдени орталығы, Жамбыл облыстық «Барбанг» күрділер ассоциациясы, «Айнуры» татар-башқұрт этномәдени қоғамдық бірлестіктері және «Нұр шашу» би ансамблі өз өнерлерін ортаға салды.
Ұйымдастырылған мерекелік шара соңында қала тұрғындарына Астана қаласының 20 жыл толуына арналған арнайы тәтті тағам торт ұсынылды.
