Жамбыл облыстық «Өңірлік коммуникациялар қызметіне» жаңа басшы тағайындалды

Жамбыл облысы әкімдігі Ішкі саясат басқармасының «Өңірлік коммуникациялар қызметі» КММ басшысы болып Смайлов Жандос Мейірбекұлы тағайындалды. Бұл туралы облыстық Ішкі саясат басқармасының басшысы Берік Уәли өз Facebook парақшасында жариялады, — деп хабарлайды «Zhambylnews» AA. 

Ж.Смайлов әл-Фараби атындағы Қазақ ұлттық университетінің филология факультетін тәмамдаған.

Еңбек жолын «Алматы ақшамы» газетінде тілші болып бастаған, сондай-ақ, әр жылдары «Қазконтент» АҚ-да республикалық Baq.kz ақпараттық порталында және El.kz жастар сайтында редактор, «Нұр Отан» партиясы Орталық аппаратының Ақпараттық-мониторинг бөлімінің басшысы, «Республикалық ғарыштық байланыс орталығы» АҚ Қоғаммен байланыс бөлімінің баспасөз хатшысы және «Қазақстандық индустрия дамыту институты» АҚ-да бас сарапшы болып қызмет атқарды.

2015 жылы «Ақпарат саласының үздігі» төсбелгісімен марапатталған.