Ағымдағы жылы 29 маусымда Мойынқұм ауданы Мойынқұм ауынындағы Жамбыл мектеп-гимназиясында Нұр Отан» партиясының «Балаларға арналған ақысыз ІТ-сыныптар» бастамашыл жобасы аясында ІТ-сыныптың салтанатты ашылуы өтті. Бұл туралы «ZhambylNews» AA хабарлайды.
Аталған сынып заманауи 10 компьютер, робототехника жиынтықтары, интерактивті тақта, проектор, 3D принтер, легомен жабдықталды. Кабинет оқушылардың сандық ресурстарды меңгеруіне, физика, механика, технологияны тереңдетіп меңгеруіне жол ашады. Мұнда 100 оқушы оқытылып, 2 ұстаз сабақ береді. 10 бала бір мезгілде онлайн тәсілінде оқыту курсына қатыса алады.
