Полицейлер жаңа форма кимейтін болды: министр себебін түсіндірді
Тұрғымбаев алдымен полицейлерді аттестацияны өткізіп, қысқарту есебінен жалақыны көтеруді жоспарлап отыр. Қазақстанның ішкі істер министрі Ерлан Тұрғымбаев сақшыларға жаңа форма кигізу неге кейінге қалдырылғанын түсіндірді, — деп хабарлайды «ZhambylNews» AA Sputnik Қазақстанға сілтеме жасап.
Министрдің айтуынша, қызметтік киімді жаңартпас бұрын аттестацияны өткізіп алу керек.
«Форманы кейінге қалдырдық. Біздің бірінші міндет – аттестацияны өткізу. Содан кейін – қысқарту есебінен жалақыны көтеру. Тек осыдан кейін ғана форма мәселесіне ораламыз. Киімнен бұрын, қызметкерлердің құрамы маңызды», — деді Тұрғымбаев.
Ол полицейлердің аттестациясы екі айдан кейін өткізілетінін атап өтті.
Айта кетсек, қазақстандық полицияға жаңа форма кигізу бастамасын экс-министр Қалмұханбет Қасымов көтерген еді. Соңғы рет тәртіп сақшыларының қызметтік киімі 2005 жылы өзгерген.
Ерлан Тұрғымбаев ішкі істер министрі болып осы жылдың ақпанында тағайындалды. Бұған дейін ол ІІМ басшысының орынбасары қызметін атқарған.
