Жамбыл облысында заңсыз сақталған қару-жарақтарды халықтан сатып алу акциясы жалғасуда
Жамбыл облысында заңсыз сақталған қару-жарақтарды, оқ-дәрілерді және жарылғыш заттарды халықтан сатып алу акциясы жалғасуда. Бұл мақсатқа республикалық бюджеттен 11 миллион 168 мың теңге бөлінді, — деп хабарлайды «ZhambylNews» Ақпараттық Агенттігі.
Өз еркімен атыс қаруын, оқ-дәріні және жарылғыш заттарды мемлекетке тапсырған азаматтар әкімшілік және қылмыстық жауапкершіліктен босатылады.
Сондай-ақ, осы уақытқа дейін заңсыз сақталған қаруды тапсыру үшін 100-ден астам өтініш келіп түсті, 161 қару тапсырылды. Оның ішінде 5,6 мм калибрлі 18мылтық, 143 бірлік атыс қаруы және 1 шолақ мылтық бар. Бұлардың жалпы құны 9 млн. теңгені құрайды.
Дереккөз: Jambyl TV
