Тараз қаласында су добынан жазғы спартакиада болып өтті
Тараз қаласында су добынан ерлер мен әйелдер арасында республикалық V жазғы спартакиадасы болып өтті. Додаға еліміздің 6 облысынан 140 спортшы қатысты, — деп хабарлайды «ZhambylNews» Ақпараттық Агенттігі.
Жарыстың қорытындысы бойынша бағдарламаның әйелдер арасында І орынды Жамбыл облысы алса, ІІ орынды Алматы қаласы қанжығасына байлады. Ал ІІІ орынға Батыс Қазақстан облысы ие болды.
Бұған қоса, ерлер арасында І орынды Алматы қаласының командасы алды. Ал, ІI орын Жамбыл облысының командасына бұйырса, ІІІ орынды Нұр-Сұлтан қаласының құрама командасы місе тұтты.