Аймақ басшысы Асқар Мырзахметов облыстағы 10 ауданды аралау үшін іс-сапарға шықты
Аймақ басшысы Асқар Мырзахметов облыстағы 10 ауданды аралау үшін іс-сапарға шықты, — деп хабарлайды «ZhambylNews» АА облыс әкімінің баспасөз қызметіне сілтеме жасап.
Бүгінде ел қазынасындағы қаржы 30 триллион ға жуықтайды. Қолдағы мәліметтер ге сүйенсек осы қаражаттың жартысына жуығы әлеуметтік салаға жұмсалады екен. Демек мемлекет бұхараға мейлінше жағдай жасап отыр. Үкіметтен берілетін жәрдемақымен күн көрісін айырып отырған ағайынға қосымша табыс көзін табу керек па? Менің ойымша әбден керек. Мәселен Жамбыл облысы халқының 70 пайызға жуығы ауылда тұрады. Шалғайдағы жұртшылықтың жағдайын жақсарту үшін не істемек керек? Аймақ басшысы Асқар Мырзахметовтың тікелей бастамасымен наурыз айында атқарушы биліктің жұмыс алгоритмі бекітілді.
Алгоритмде жоғарыдағы мәселелер толығымен қамтылды. Халықтың әлеуметтік жағдайын арттыруда «Қарапайым заттар экономикасын» дамытудың маңызы айрықша. Өйткені мемлекет бұған дейін жұртшылықты киім-кешек, азық-түлік, құрылысқа қажетті құрал жабдық, фармацевтика өнімдері, өндірістік құрылғылар мен жабдықтар, электроника, тұрмыстық техникалық секілді халық күнделікті тұтынатын кез келген негізгі тауарлармен қамтамасыз етуге келгенде импортқа тәуелді болып келген еді.
Енді, міне Елбасының тапсырмасынан кейін «Қарапайым заттар экономикасын» дамыту ісі жедел қолға алынып, оны әрбір өңірде жүзеге асырудың тетіктері іске қосылды. Өңірлік кәсіпкерлер мен шаруа қожалық иелеріне қолдау көрсету арқылы біз сырттан келетін тауарларды нарықтан ығыстыра аламыз. Ол үшін іскер азаматтармен бетбе-бет жүздеіп, кімге қандай қолдау қажеттігі жөнінде ауызба-ауыз пікірін тыңдап, өңірлік кәсіпорындардың әлеуетін көзбен көру маңызды. Бұдан бөлек, аудандардағы әрбір елді мекендердегі әрбір үйді есепке алып, олардың ішінде бау-бақшасын игере алмай отырғандарға да қолдау көрсету негізгі жоспарға енген.
Мақсат — ауыл тұрғындарының картоп, қияр, қызанақ секілді бау-бақша немесе көкөніс өнімдері мен айран-сүтін, ет, жүн, тері секілді бұйымдарын әр ауылдық округте құрылатын кооперативке өткеру арқылы қолдау көрсету. Сонда ғана жұрт керегін алыстан іздемей, тауарын өз ауылында тиімді бағаға өткеруге мүмкіндік алады. Бұл ауылдық округтерді дамытудың ең тиімді жолы. Сонымен қатар облыс әкімінің орынбасарлары Мұратхан Шүкеев пен Нұржан Календеров және облыс әкімдігінің 14 басқармасының басшысылары облыстағы 373 елді мекенді жеке-жеке аралап, кәсіпкерлер және тұрғындармен кездесу өткізуді бастады.
Асқар Исабекұлы облыс аудандарын аралау барысындағы жұмыс сапары Меркі ауданындағы Ақтоған ауылынан бастау алды. Түсінікті тілде айтсақ, бұл жұмыс сапарының негізгі нәтижесі әрбір ауылдың әлеуметтік паспортын және ауылдардың экономикалық дерекқорын дайындау. Осы талап жетегімен өңір басшысы сол аудандағы Жамбыл ауылдық округінің Жамбыл ауылындағы №18 мектеп ғимаратында ауыл тұрғындарымен, кәсіпкерлік және шаруа қожалық басшыларымен кездесіп, Жамбыл ауылындағы әрбір үйді аралады.
Т.Рысқұлов ауылдық округінің Интернациональный ауылындағы №7 мектеп ғимаратында ауыл тұрғындары, кәсіпкерлік және шаруа қожалық басшыларымен де жүздесіп бұл ауылдың да әрбір ауласын аралап, тұрғындардың тұрмыс деңгейін, өз бау-бақшасын игерудің мүмкіндігін зерделеді.
Бұдан кейін Меркі ауданындағы жергілікті атқарушы органдарының жұмыс алгоритмінің және «Қарапайым заттар экономикасы» мәселелері бойынша атқарылып жатқан жұмыстар қаралмақшы. Облыс әкімінің бүгінгі жұмыс сапары Меркі ауданымен түйінделіп, ертең Қордай ауданында жалғасады.
