Жамбыл облысында ЖД-158/7 мекемесі профилактикалық жұмыстарды мықтап қолға алу үстінде
Оқшаулы орындарда жұқпалы індеттер тез тарайды. Сондықтан оның алдын-алу маңызды. Бұл орайда ЖД-158/7 мекемесі профилактикалық жұмыстарды мықтап қолға алу үстінде, — деп хабарлайды «ZhambylNews» Ақпараттық Агенттігі.
Жамбыл облысы бойынша Ұлттық сараптама орталығының мамандары келіп зерделеу жүргізді. Түзеу мекемесінің санитарлық-эпидемиологиялық талаптарға сай келуі, жұқпалы індеттерге қарсы іс-шаралардың қолға алынуы 3 күнге жалғасқан медициналық тексеріс барысында 700-ден астам сотталған азаматтың денсаулығы сараланып, қазір де белең алған минингит, дифтерея ауруларына сынама алынды. Әзірге қорытындысы даярлануда.
