Сарысулықтар бүгін таңсәріден тазалық жұмыстарын жасап, тал дарақ екті. Аудан бойынша 685-тен аса адам жұмылдырылып, 25 аумақта барлығы 4 гектар жерге, 4375-тен аса тал отырғызды , — деп хабарлайды «ZhambylNews» Ақпараттық Агенттігі.
Барша жұртты жұмылдыратын тал егу жұмысы арқылы балалардың табиғат-анаға, күллі жаратылысқа деген ықыласын оятып, адам баласының табиғатпен үйлесімді түрде дамитынын ұғындыру парыз.
Егілген ағаштың, өскен өсімдіктің әуе алабына тигізер пайдасы зор. Жасыл желектің әсерінен ауа тазарып, қолайлы микроклимат қалыптасады.
Қоршаған ортаның жақсаруына өз үлесімізді тигізу үшін сенбіліктер өткізіп, ауламыздың, қаламыздың, ауылымыздың аумағын тазартып, абаттандырып, жасыл желектер отырғызып, шырайын әрлендіре түсуіміз керек.
