Жамбыл ауданы ауылшаруашылығының 14 түрлі өнімі Тараздың қақ төріне қойылды. Жәрмеңкеде өнімдер арзандатылған бағада саудалануда, — деп хабарлайды «ZhambylNews» Ақпараттық Агенттігі.
Аймақ басшысы Бердібек Сапарбаевтың Ел Тәуелсіздігінің 30 жылдық мерейтойы аясында «Туған жерім — дархан далам!» атты Жамбыл ауданының Тараз қаласындағы күндеріне арналған іс-шаралар легі ерекше леппен басталды.
Атап айтқанда, жәрмеңкеде 200 келі сиыр еті, 270 литр сүт, айран, 3000 дана жұмыртқа, 900 келі жеміс-жидектер, 1150 келі пияз, 500 келі картоп, 250 келі шұжық өнімдері, 250 келі сәбіз, 70 келі ірімшік, қаймақ, сүзбе, 30 литр қымыз, 100 келі қырыққабат, 50 келі қияр тараздықтардың назарына ұсынылды. Әдеттегі бағадан төмен ұсынылыған Жамбыл ауданының жәрмеңкесі тұрғындардың қалтасына салмақ түсірмеді.
