Жамбылдық оқушылар «INFORMATRIX-2022» Халықаралық компьютер жобасы жарысынан 29 медаль иеленді

Алматы облысы Сүлеймен  Демирель атындағы университетінің базасында ҚР  БҒМ-нің «Дарын» республикалық ғылыми-практикалық орталығы, Білім-Инновация» Халықаралық қоғамдық қоры және Сүлеймен Демирель университетінің бірлесе ұйымдастыруымен мектеп оқушылары арасында «INFORMATRIX-2022» Халықаралық компьютер жобасы жарысы өтті, — деп хабарлайды   «ZhambylNews» АА.

Халықаралық жарысқа Тәжікстан, Қырғыстан, Өзбекстан, Қазақстан Республикаларынан 167 жобамен 345 оқушы қатысса, соның ішінде Жамбыл облысының 34 оқушысы 16 жобамен қатысты.

«Informatrix-2022» Халықаралық компьютер жобасы жарысы қорытындысы бойынша облысымыздың қоржыны 8 – алтын, 10 – күміс, 11 – қола медальдармен толықты.