Ақын Мұқағали Мақатаевтың 90 жылдық мерейтойына орай Облыстық халық шығармашылығы орталығы ұйымдастырған «Жырлайды жүрек» атты ән-жыр байқауының жеңімпаздары марапатталды, — деп жазады “ZhambylNews” ақпарат агенттігі облыс әкімінің баспасөз қызметіне сілтеме жасап.
Әділ-қазылардың шешіміне сәйкес, бас жүлдені Жамбыл облыстық көзі көрмейтін және әлсіз көретін азаматтар кітапханасының қызметкері Гүлнұр Құрақбаева иеленді. Жүлделі I орынды К.Әзірбаев атындағы Жамбыл облыстық филармониясының әншісі Бекет Сейіткерім мен Ш.Уәлиханов атындағы облыстық ғылыми-әмбебап кітапханасының қызметкері Назерке Ниязалы өзара бөлісті. Ал жүлделі II орын Облыстық халық шығармашылығы орталығының қызметкері Бақтияр Көпжасаров мен Д.Қонаев атындағы облыстық балалар мен жасөспірімдер кітапханасының қызметкері Нұргүл Сағатбековаға бұйырды. Жүлделі III орынды Меркі аудандық тарихи-өлкетану музейінің қызметкері Дархан Сахов мен Сарысу ауданының мемлекеттік архиві қызметкері Ақтоты Ержанова олжалады.
Байқауға белсене қатысқандары үшін Ш.Мұртаза атындағы руханият және тарихтану орталығының кіші ғылыми қызметкері Дидар Апбасов, А.Тоқпанов атындағы қазақ драма театрының артисі Зарина Асан, Жамбыл облыстық орыс драма театрының артисі Нұрсейіт Өткір ынталандыру сыйлығына ие болды.
Жеңімпаздарды Жамбыл облысы әкімдігінің мәдениет, архивтер және құжаттама басқармасы басшысының міндетін атқарушы Сара Мадиева марапаттады.
