Тараз қаласындағы №50 орта мектепте 1 сынып оқушыларының ағылшын тіліне деген қызығушылықтарын арттыру, тілді жетік меңгерту аясында «Happy birthday» тақырыбында ашық сабақ өткізілді.
Сабақтың мақсаты-оқушылардың ағылшын тілін мемлекеттік білім беру стандарты бойынша меңгергендігін бақылау, олардың қабілеті мен тілін дамыту. Пәнге деген қызығушылықтарын арттыру, шет тілін құрметтеуге үйрету, оқушыларды ағылшын тілінде еркін сөйлеуге дағдылау.
Сабақ жаңартылған бағдарлама негізінде өткізілді., жеке, топтық, жұптық тапсырмалар орындалды.Балалар интерактивті тақтамен жұмыс жасап, тапсырмалар орындап, оқулықпен жұмыс жасады.Оқушылар ағылшынша әндерін , тақпақтарын, жұмбақтарын, қызықты тапсырмаларын қызығушылықпен орындап, белсенділік танытты. Сабақ соңында балалар мұғаліммен кері байланыс жасап, бүгінгі сабақтан ерекше әсер алып өте қатты ұнағанын, ағылшын тілі пәні балалардың ең сүйікті пәндерінің бірі екенін жеткізді.
Бүгінгі сабаққа қатысқан ұстаздар балалардың белсенділігі мен талпынысын ұстазының өз ісіне шебер, балалардың пәнге деген құлшынысы мен махаббатын оята білгенін жеткізді.
Тараз қаласы Ө. Жолдасбеков атындағы №50 орта мектебі
Ағылшын тілі пәні мұғалімі: Нарымбаева Әйгерім Ғалымжанқызы
