Шығыс Қазақстан облысында елікті заңсыз аулаған қарағандылық екі азамат ұсталды, деп хабарлайды ҚазАқпарат.
Заңсыз аң аулау фактісі Аягөз ауданында тіркелді. 25-ші ақпан күні 32 және 43 жасар қарағандылық қос азамат 5 елікті заңсыз атып алған. Келтірілген шығын көлемі 2,7 млн теңге.
«Полиция қызметкерлері ұсталғандардан 3 тұтас елік пен бөліктерге бөлінген еліктің етін және 12 калибрлі аңшы мылтығын тәркіледі», — делінген облыстық ІІД-нің баспасөз қызметі таратқан хабарламада.
Қазір заматтардың үстінен ҚР ҚК-нің 337-бабы, 4-тармағы (Заңсыз аң аулау) бойынша қылмыстық іс қозғалды. Тергеу амалдары жүргізілуде.
