Әлеуметтік желілер мен мессенджерлер (Telegram) уақытша істен шығады.
«Астана қаласы Есіл аудандық сотының «Қазақстанның демократиялық қалауы» қозғалысының ақпараттық материалдарын таратуғы тыйым салу туралы шешімін орындау аясында шетелдік әлеуметтік желілер мен мессенджерлердің иелеріне тиісті хабарламалар жіберілді», — деп жазылған хабарламада.
Ведомство аталған ұйым әлеуметтік желілер мен мессенджерлер арқылы экстремистік бағыттағы материалдарды таратып отырғанын анықтады.
«Бұдан бөлек сот шешімін орындау мақсатында уәкілетті органдар құқыққа қарсы материалдарды жою үшін техникалық жұмыстар жүргізеді. Осыған байланысты әлеуметтік желілер мен мессенджерлердің (Telegram) жұмысы техникалық істен шығып қалуы мүмкін», — делінген АКМ таратқан хабарламада.
Дереккөз: Baq.kz
