Қасым-Жомарт Тоқаев пен Сьерра-Леоне Президентінің арнаулы өкілі — Сыртқы істер министрі Тимоти Муса Кабба екі ел ынтымақтастығының перспективасын талқылады, деп хабарлайды Ақорданың баспасөз қызметі.
Президент Қазақстанның Африка елдерімен ықпалдастықты кеңейтуге айрықша мән беретінін атап өтті.
— Тимоти Муса Кабба арнайы қабылдағаны үшін Мемлекет басшысына алғыс айтып, Сьерра-Леоне Президенті Джулиус Мааданың сәлемін жеткізді. Әңгімелесу барысында екіжақты қатынастарды дамыту, түрлі саладағы ынтымақтастықты тереңдету мәселелері қарастырылды, — делінген хабарламада.
Бұған дейін Қасым-Жомарт Тоқаев бірнеше мемлекеттің елшісінен сенім грамотасын алғанын жазғанбыз.
