Белгілі актер Фархат Әбдірайымов Грузияда көз жұмды, деп хабарлайды Zhambylnews.kz ақпарат агенттігі.
Алдын ала мәліметтер бойынша актер Грузияда киноның түсірілімі кезінде көз жұмған.
«Актер Фархат Әбдірайымов Грузияда фильмнің түсірілім алаңында қайтыс болды. Қаңтарда ол 55 жасқа толған», — дейді Козачков Telegram каналында.
1966 жылы 21 қаңтарда Алматы қаласында туған.
1999 жылдан бері — Ш. Айманов атындағы Қазақ кинофабрикасының актері.
Фархат Әбдірайымов «Фарах», «Қызғылт қоян туралы ертегі», «Рэкетир-2», «А-ға оралу» және басқа да фильмдердегі рөлдерімен танымал.
