Алтынбек Қоразбаевтың Мейрамбек Бесбаев пен Тоқтар Серіков бастаған шәкірттері ұстаздарына темір тұлпарды сыйға тартты. Бұл туралы әнші Сәкен Майғазиев өзінің Instagram-дағы парақшасында жазды, деп хабарлайды Stan.kz ақпарат агенттігі.
“Сіздердің де шәкірттеріңіз еңбектеріңізді бағалап тұлпар мінгізсін”, – деп жазба қалдырды өнер иесі.
Композиторға автокөліктің кілтін табыстап жатып Тоқтар Серіков: “Шәкірттеріңіздің атынан елдің, ағайын-туыс, достарыңыздың алдында шаршамай жүрсін деп темір тұлпар мінгіземіз”, – деді.
Айта кетейік, композитор, әнші Алтынбек Қоразбаев 1 ақпан күні 75 жасқа толды.
