Таразда айтыскер ақын Әзімбек Жанқұлиевты еске алуға арналған кеш өтуде (ФОТО)
Дәл қазіргі уақытта Тараз қалалық Мәдениет үйінде Ауған соғысының ардагері, айтыскер ақын Әзімбек Жанқұлиевты еске алуға арналған «Өнердің аққан жұлдызы» атты кеш өтуде. Бұл туралы “ZhambylNews” Ақпараттық Агенттігі хабарлайды.
Аталған шара облыстық Ішкі саясат басқармасы және Мәдениет, архивтер және құжаттама басқармасының ұйытқы болуымен ұйымдастырылып отыр.
Кеш қонақтары – ҚР Парламент Мәжілісінің депутаты, Ауған соғысының ардагері Бақытбек Смағұл, сатирик-жазушы Көпен Әмірбек, айтыскер ақын, сазгер, журналист Бекжан Әшірбаев, және ақынның замандасы, журналист, “Алматы ақшамы” газеті бас редакторының орынбасары Әнуарбек Әуелбек.
Әзімбек Жанқұлиев – тәуелсіздігіміздің қалыптасу жылдарында айтыс өнеріне зор үлес қосқан, күллі қазақ жұртына кеңінен танымал болған Әулиеата өңірінің жыр жампозы.
