Жамбыл облысы ТЖД Өрт сөндіру мекемесінде отбасылық-спорттық эстафетасы және қызметкерлер арасында шығармашылық байқау ұйымдастырылды, — деп хабарлайды «ZhambylNews» Ақпараттық Агенттігі.
Байқау «Бүкіләлемдік отбасы күніне» және «Жастар жылына» орай «Чемпиондар отбасы» тақырыбында қызметкерлердің отбасылары арасында өткізілді. Эстафета барысында балалар мен олардың ата-аналарынан құралған 5 команда мүшелері өздерінің физикалық тұрғыдан қаншалықты мықты екендіктерін таныту мақсатында түрлі дәрежедегі тапсырмаларды орындады.
Сондай-ақ қызметкерлер мен олардың балалары мазмұндама жазу, тақпақ айту, өлең оқу, эсселерден үзінді келтіру мен сурет салу бойынша да бақ сынасты.
Ерекше байқау өте қызықты әрі жоғары деңгейде өткізілуімен есте қалды.