Жамбылдық озат оқушылар Мемлекет басшысымен жүздесті, — деп хабарлайды «ZhambylNews» Ақпараттық Агенттігі.
Ақордада Мемлекет басшысы Қасым-Жомарт Тоқаев еліміздің әр өңірінен жиналған халықаралық және республикалық олимпиадалардың жеңімпаздарымен, оқу үздіктерімен, көпбалалы отбасылардың балаларымен, балалар үйінің тәрбиеленушілерімен кездесті.
Кездесуге Жамбыл облысынан спортта, оқуда жетістікке жеткен 2 оқушы қатысты. Атаулы күнге орай Президент резиденциясында арнайы экскурсия ұйымдастырылды. Оқушылар еліміз үшін маңызды стратегиялық шешімдер қабылданатын осынау ғажап ғимарат туралы көптеген қызықты деректермен танысты.
Әңгімелесу барысында Қасым-Жомарт Тоқаев балаларды мерекемен құттықтап, оларға оқуда табыс тіледі.