Жамбыл облысында 14 мыңнан астам жаңа жұмыс орны құрылды

0
109

Жамбыл облысында «Жұмыспен қамтудың жол картасы» аясында 14 мыңнан астам жаңа жұмыс орны құрылды , — деп хабарлайды «ZhambylNews” ақпараттық агенттігі.

«Жұмыспен қамтудың жол картасы»  Жамбыл облысындағы халықты жұмыспен қамтамасыз етудің және әлеуметтік мәселелерді шешудің тиімді құралына айналды.

Өңірде аталған бағдарлама аясында 831 жобаны жүзеге асыру жоспарланған. Оның ішінде 180 жоба әлеуметтік нысандардың инфрақұрылымын дамытуға, 200 жоба – ТКҮШ, 327 жоба – инженерлік-көлік инфрақұрылымын дамытуға, 124 жоба елді мекендерді абаттандыруға бағытталған.

Өңірде 19 599 жаңа жұмыс орнын құру көзделуде. Жұмыспен қамтылған жұмысшылардың кемінде жартысы жұмыспен қамту орталықтары арқылы жұмысқа орналасуы керек.

Бүгінгі таңда 821 жобаны іске асыру басталған десек, оған 14 мыңнан астам адам, оның ішінде жұмыспен қамту орталықтары арқылы 7 мың адам тартылған.

Бағдарлама тұрғын үй мәселесін шешуге де өз үлесін қосуда.  Оның шеңберінде 706 пәтерлік 12 тұрғын үйді пайдалануға беру жоспарланған, бұл тұрғын үй кезегіндегілердің баспана мәселесін 2 пайызға төмендетеді деп күтілуде.

«Жұмыспен қамтудың жол картасын» іске асыру нәтижесінде өңір бойынша материалдық-техникалық база жаңартылып, денсаулық сақтау мен спорт нысандарының қол жетімділік деңгейі артады. 20 мыңнан астам ауыл тұрғындары таза ауыз сумен қамтылып, орталықтандырылған сумен жабдықталған тұрғындар үлесі 72 пайыздан 75,4 пайызға дейін өспек. Жақсы және қанағаттанарлық жағдайда жолдардың үлесі 59,5 пайыздан 77,2 пайызға дейін, абаттандырылған аулалар үлесі 9,7 пайыздан 31 пайызға дейін артуы көзделген.

Сонымен қатар, Қордай ауданындағы Масанчи, Сортөбе, Булар батыр, Қаракемер ауылдары газдандырылады. Табиғи газбен 50 мыңнан астам адам қамтамасыз етілмек.

Айта кетейік, «Жұмыспен қамту жол картасы» бағдарламасы аясында 163 нысанға 4283518,0 мың теңге республикалық бюджеттен қаражат бөлініп, бүгінгі күнге 358968,4 мың теңгесі үнемделген қаражатты құрап отыр. Оның ішінде, 2 жоба Шу ауданындағы Сарғау су қоймасын ағымдағы жөндеуге — 4600,0 мы теңге, Тасөткөл су қоймасын қайта жаңғырту -500000,0 мың теңге-504600,0 мың теңге облыстық басқарма арқылы қаржыландырылды.

Әлеуметтік –мәдени объектілері бойынша 10 нысан- 713087,0 мың теңге қаржы қарастырылып, бүгінгі күнге 48309,9 мың теңге үнемделген қаржы құрап отыр.

Жауап калдыру

Please enter your comment!
Please enter your name here