Тараз қаласында «Education. Competiton. Future» атты шеберлік сынып өтті
Жамбыл облысы әкімдігінің тілдерді дамыту басқармасы көп тілді меңгерген жастарға қолдау көрсету мақсатында «Education. Competiton. Future» атты шеберлік сынып өткізді, — деп хабарлайды «ZhambylNews» Ақпараттық Агенттігі.
Шеберлік сыныптың жүргізушілері Тараз инновациялық гуманитарлық университетінің ғылым және халықаралық қарым-қатынас бөлімінің бас маманы, ағылшын пәнінің мұғалімі Сабина Жақсылықова, «Болашақ» бағдарламасының түлегі, «Қазақстанның 100 жаңа есімі» ұлттық жобасының жеңімпазы, Нью-Йорк киноөнері академиясының магистранты Айдие Айдарбеков, «Қазақстан жастарының конгресі» ЗТБ жанындағы Республикалық жастарды дамыту орталығының басшысы Ерғазы Әбдіманат жастармен үш тілде еркін пікір алмасты.
Тараз мемлекеттік педагогикалық университетінде өткізілген шараға студенттер, жалпы 14-29 жас аралығындағы полиглот жастар қатысты.
