2017 жылы  Жамбыл облысында 10 инвестициялық жоба жүзеге асырылды  

Өткен жылы Жамбыл облысында жалпы сомасы 13,0 млрд. теңгеге 10 инвестициялық жоба жүзеге асырылып, нәтижесінде 716 жұмыс орны ашылды.  

Жыл басында алғашқы болып  Байзақ ауданындағы «С.П. «Ролла-Ян» ЖШС-нің макарон цехы іске қосылды.  Қайта жаңғыртудан өткен кәсіпорында DL-650X автоматикалық желісі орнатылып, кеспенің бірнеше түрі шығарыла бастады. Жобаның жалпы құны- 285 млн тенге, жылдық қуаты- 9 мың тонна. Жаңғыртудан өткен кәсіпорында 60 адамға жаңа жұмыс орны құрылды.  Дайын  өнім ішкі нарықпен қатар, Ресей және Қытай Халық Республикасына экспортталуда. 

Инвестициялық жобалардың қатарында Қордай ауданындағы «Первомайские деликатесы» ЖШС-нің шұжық өндіру цехы бар. Жобаның жалпы құны -223 млн.теңге. Жылына 3 мың тонна дайын өнім өндіретін кәсіпорында 70 адам еңбекке тартылған.  

Сонымен қатар, аймақта  құны-256,0 млн теңгені құрайтын «Оргстрой» ЖШС –нің  «Гранитты, мәрмәрді және гипсті жаңғырту мен өндіру,  жаңа технология бойынша жарылыссыз блоктарды өндіру» жобасы, «Asa Damu» ЖШС-нің құс фабрикасы, «Қаратау ПРО» ЖШС – нің «Жұқа ұнтақталған толтырғышын өндіретін зауыт құрылысы», «Асылтуз» ЖШС– нің ас тұз өндірітін зауыттардың құрылыстары жүргізіліп, іске қосылған.