Алдағы тәулікте, яғни 20 ақпанда температура фонының жоғарылауына және қатты жауын-шашын күтілуіне байланысты Оңтүстік Қазақстан облысында судың тасуы мүмкін.
«20-21 ақпанда Жамбыл облысында шығыс бағыттан соққан жел оңтүстік-батысқа ауысады, кей жерлерде күші 15-20, екпіні 23-28 м/с, күндіз 20, тәулік бойы 21 ақпанда облыстың оңтүстік-батысында кей уақыттарда 30 м/с және аса күтіледі. Тараз қаласында күндіз 20, тәулік бойы 21 ақпанда оңтүстік-батыстан жел соғады, күші 15-20, екпіні 23-28 м/с, кей уақыттарда 30 м/с және аса күтіледі», — деді синоптиктер. Сондай-ақ Шығыс Қазақстан облысы бойынша күндіз 20 ақпанда кей жерлерде жел 15-20, екпіні 25 м/с-қа күшейетіні айтылады.
