Қымбат қонақ үйде болған қайғылы жағдайға қатысты полиция алдын ала тексеру қорытындысын жариялады, деп КТК.kz хабарлады
Мамандар үнді актрисасы Шридеви суға тұншығып өлген деген тұжырым жасады.
Gulf News басылымының жазуынша, атақты актриса ваннада тұншығып өлген.
Сондай-ақ, Шридевидің қанында алкоголь табылды.
Сот сараптамасы анықтағандай, актрисаның қайтыс болу себебі əлі де егжей-тегжейлі тексерілмек.
Шридеви Сивакаси маңындағы ауылда 1963-ші жылы туған.
Үлкен экранда төрт жасынан бері шығып келді.
Шридеви Болливудтың көптеген танымал картиналарында басты рөлді сомдаған.
