Бүгін Мәжілістің пленарлық отырысында Ұлттық банк төрағасы Данияр Ақышев таныстырған «ҚР кейбір заңнамалық актілеріне сақтандыру және сақтандыру қызметі мәселелері бойынша өзгерістер мен толықтырулар енгізу туралы» Заң жобасында елде кейбір мамандыққа міндеттелген сақтандыруды енгізу көзделген, деп хабарлайды Baq.kz тілшісі.
Ол сақтандырудың жекелеген түрлерінде клиенттің тәуекеліне байланысты жекелей көзқарас пен икемділіктің қажет екенін атап өтті.
«Міндеттелген сақтандыруды енгізу сақтандыру компаниясына және оның клиентіне келісімшарт пен икемді сақтандыру шарттарын қамтамасыз етуге мүмкіндік береді. Тәуекелдердің нақты тізімін анықтау арқылы клиенттерге дұрыс тарифтер белгілеуге болады. Клиентке деген жеке көзқарас осы міндеттелген сақтандырудың негізгі артықшылығы болады», — деді Данияр Ақышев.
Дереккөз: Baq.kz
