2018 жылы Қазақстанда 550 мыңға жуық адам жұмыспен қамтылады, — деп хабарлайды «Zhambylnews» AA Bnews.kz сайтына сілтеме жасап.
2018 жылы Қазақстанда 550 мыңға жуық адам жұмыспен қамтылмақ. Бұл туралы ҚР Еңбек және халықты әлеуметтік қорғау министрінің орынбасары Нұржан Әлтаев бүгін өткен «Жұмыспен қамту және көші-қон заңнамасы саласындағы өзгертулер» тақырыбындағы баспасөз мәслихаты барысында айтты.
«Біздің еліміздегі жұмыссыздық деңгейі төмен. Егер дүниежүзі бойынша қарстыратын болсақ, ол 5%-дан жоғары емес, ал биыл бұл көрсеткіш 4,9%-ды құрап отыр. Біз барлық аймақтар жоспарымен және пайда болатын жұмыс орындарымен таныстық. 2018 жылы 750 мың жұмыс орын ашылатыны туралы айтқым келеді. Бізде ресми түрде тіркелген жұмыссыздар саны, ашылатын жұмыс орындарынан әлдеқайда аз. 550 мыңға жуық адамды ағымдағы жылы жұмыспен қамтимыз», — деді Нұржан Әлтаев.
Жұмыс берушілер мен жұмыссыздарың қарым-қатынас іс-әрекетін халықты жұмыспен қамту орталықтары мен агенттіктердің электрондық еңбек биржасы арқылы реттеу жоспарланып отыр.
«Халықты жұмыспен қамтуда аутсорсинг түсінігі енгізілуде. Бастапқы кезеңде аутсорсингке жұмыссыздарды кәсіптік бағдарлау мен жұмысқа орналастыру қызметтері беріліп, бұл биыл 60 мың адамды жұмыспен қамтуға мүмкіндік береді», — деп атап өтті вице-министр.
Сондай-ақ, халықты жұмыспен қамту құралдары да жетілдірілуде. Осылайша жұмысқа орнасуға байланысты сұраныстар реті де жеңілдетіледі. Жұмыс іздеп жүрген азаматтар жұмыспен қамту орталықтары мен үкіметтің электрондық порталы арқылы ғана емес, «Азаматтарға арналған үкімет» мемлекеттік корпорациясы арқылы да әрекет етуге мүмкіндік алады.
«Ұсынылған жұмысқа келісу немесе келіспеу туралы ақпаратты жұмыссыздар ақпараттық-коммуникациялық технологиялар немесе ұялы байланыс құралдары арқылы бере алады», — деді Нұржан Әлтаев.
Біздің Telegram-парақшамызға Жазылыңыздар!
