Жамбыл облысында темір жол бойында қайғылы оқиға орын алды, — деп хабарлайды «Zhambylnews» АА өңірлік ТМД баспасөз қызметіне сілтеме жасап.
«5 сәуір күні түнгі сағат бірде Рысқұлов ауданындағы Тәтті-Аспара бағытындағы теміржолдың 337 шақырымында «ҚТЖ» ҰК» компаниясының екі жұмысшысы №0131 электровоздың астына түсті», — деп хабарлайды ведомствоның баспасөз қызметі.
24 жастағы машинист Б.Елухан оқиға орнында қаза тапты. Екінші жұмысшы, 20 жастағы жігіт Мерке ауданындағы Орталық ауруханаға жеткізілді. Қазір тексеру жұмыстары жүргізіліп жатыр.
Біздің Telegram-парақшамызға Жазылыңыздар!
