Жамбыл жастары Тараз төрінде Елордаға арнап ауқымды флеш-моб ұйымдастырды. «Қазақ хандығына 550 жыл» монументінің алдында өткен іс шарада қазақтың рухты әндері қалықтады, — деп хабарлайды «Zhambylnews» AA Жамбыл арнасына сілтеме жасап.
Әсем әуен аясында тербелген жастар арнайы дайындалған қойылымды көрсетті. Мұндағы басты ерекшелік – жастар Астананың 20 жылдығын іс-қимылдарымен бейнелеп, соңында 20 санын өрнектеп берді.
Іс-шараны өткізудегі мақсат – Қазақстанның бас қаласы Астанаға деген жамбылдықтардың жылы лебізін жеткізе отырып, жастарды Елорда өркендеуіне өзіндік үлес қосуға шақыру – дейді ұйымдастырушылар.
