Головкин жыл соңына дейін неше жекпе-жек өткізгісі келетіні белгілі болды
WBA Super, WBC, IBF және IBO нұсқалары бойынша орта салмақ дәрежесіндегі әлем чемпионы Геннадий Головкин тұрақты түрде рингке шығуға ниетті. Бұл туралы Sports.kz-ке сілтеме жасап «Zhambylnews» АА хабарлайды.
«Ол белсенді болып қалғысы келеді. Биыл тағы екі жекпе-жек өткізгісі келетінін айтты», – дейді Головкиннің промоутері Том Леффлер.
Айта кетсек, Халықаралық бокс федерациясы Головкинді украиналық боксшы Сергей Деревянченкомен жұдырықтасуға міндеттеген еді. Керісінше жағдайда федерация қазақстандық боксшыны чемпион белбеуінен айырмақ.
