Криптовалюта шығарса, Facebook қолданушылары электронды төлемдер жасай алатын болады. Facebook әлеуметтік желісінің иелері жеке меншік криптовалюта шығару мүмкіндігін қарастырып жатыр, — деп хабарлайды «Zhambylnews» АА Sputnik Қазақстанға сілтеме жасап.
Кей мәліметке сүйенсек, жеке электронды төлем құралы туралы ұйым басшылығы бір жыл бұрын ойлана бастаған. Facebook үшін арнайы криптовалюта шығаруға бірнеше жыл кетуі мүмкін. Компания әзірге бұл ақпаратты құпия сақтауға тырысып отыр. Бірақ, аталып өткендей, Facebook криптовалюта шығарудағы мақсаты валюта сату арқылы инвестиция тарту емес.
Компания блокчейн технологиясын зерттеп жатқаны туралы ақпаратты растады, бірақ толығырақ мәлімет беруден бас тартыпты.
