«Назарбаев Зияткерлік мектептері» жамбылдық журналистерге байқау жариялайды

«Назарбаев Зияткерлік мектептері» дербес білім беру ұйымы «Жаңа заманның жаңғырған мектебі» атты республикалық журналисттік байқау жариялайды, — деп хабарлайды «Zhambylnews» AA.

Байқаудың мақсаты – қазақстандық жиырма бірінші ғасыр мектебіне ақпараттық қолдау көрсету:  отандық және халықаралық үздік тәжірибелерді үйлестірген инновациялық мектептер құру, білікті мұғалімдер мен ұжымдардың кәсіби жетістіктерін еліміздің орта білім беру жүйесіне енгізу, қазақстандық мектептерді жаһандық білім кеңістігіне енгізу.

Байқауға 2018 жылдың 1 маусымына дейін қазақстандық және шетелдік БАҚ-та жарияланған талдамалық материалдар қабылданады.

Қазылар алқасы

Александр Тараков – Қазақстан Республикасы Президентінің жанындағы «Қоғамдық келісім» РММ директоры;

Бауыржан Омаров – Қазақстан Республикасы Президенті Баспасөз хатшысының орынбасары;

Сабит Малдыбаев – «Казахстанская правда» республикалық газеті бас редакторының орынбасары;

Айдос Турысбек – «Хабар» агенттігінің бас продюсері;

Мира Алипинова – «Назарбаев Зияткерлік мектептері» дербес білім беру ұйымының баспасөз қызметінің жетекшісі.

Байқау қатысушылары

Байқауға өңірлік, республикалық және шетелдік газеттер, сайттар, порталдар, радиокомпаниялар, телеканалдар мен ақпараттық агенттіктердің тілшілері, журналист-фрилансерлер қатыса алады.

Байқауды өткізу мерзімі

Бірінші кезең – материалдарды қабылдау (2018 жылғы 21 мамыр – 15 маусым)

Екінші кезең – қорытындылау (2018 жылғы 15 – 20 маусым)

Үшінші кезең – жеңімпаздарды марапаттау (2018 жылғы 20 – 28 маусым)

Жеңімпаздарды марапаттау

Байқау қорытындысы бойынша он жеңімпаз бен бес лауреаттың есімі аталады. Барлық жеңімпаздар мен лауреаттар дипломдармен, бағалы сыйлықтармен және кәдесыйлармен марапатталады.

Байқауды өткізу тәртібі

Байқауға әртүрлі жанрдағы материалдар – мақалалар, очерктер, сұхбаттар, талдамалық материалдар қабылданады (баспа материалдың көлемі 12 000 таңбадан аспауы тиіс).

Материалдар қазақ, орыс және ағылшын тілдерінде қабылданады. Материалдар өңірлік, республикалық немесе халықаралық БАҚ-та жарияланған немесе эфирге шыққан болуы тиіс. Баспа материалдардың авторлары мақалалардың түпнұсқасын және скрин-шотын (жарық көрген күні, мақала атауымен бірге), Интернет жарияланымдардың – скрин-шотын және сілтемесін, радио және теле материалдарын – электрондық тасымалдағышта скрин-шотымен және сілтемесімен (БАҚ атауы, эфирге шыққан күні) жолдауы тиіс.

Байқауға берілген материалдар рецензияланбайды және қайтарылмайды.

Материалдар 2018 жылғы 15 маусымға дейін қабылданады.

Байқау материалдары төмендегі мекенжай бойынша қабылданады:

010000, г. Астана, 31 көше, 37а, офис 316,

«Назарбаев Зияткерлік мектептері» дербес білім беру ұйымының орталық аппараты,

Корпоративтік коммуникациялар департаменті («байқауға» деген анықтаумен) немесе eleuova_a@nis.edu.kz электрондық поштасына жіберілуі тиіс.

Қосымша мәлімет алу үшін төмендегі мекен-жайға хабарласуға болады:

«Назарбаев Зияткерлік мектептері» дербес білім беру ұйымының орталық аппараты,

8 (7172) 23 57 00 (ішкі 1117), 8 702 840 78 82, eleuova_a@nis.edu.kz, Альбина Елеуова

http://www.nis.edu.kz/kz/press-center/news/?id=7300  Толық ақпарат