Кәсіпкерлікті дамыту АҚ «Даму» қорының Жамбыл облысы бойынша Өңірлік филиалы «Бизнестің жол картасы 2020» (бұдан әрі – Бағдарлама) бизнесті қолдау мен дамытудың бірыңғай бағдарламасының аймақтық операторы болып табылады, — деп хабарлайды «Zhambylnews» AA Тараз қаласы әкімдігінің кәсіпкерлік және өнеркәсіп бөліміне сілтеме жасап.
Бағдарламаның мақсаты –шағын және орта кәсіпкерлік субъектілерінің өз қызметін жүзеге асыратын экономиканың басым секторларындағы және өңдеуші өнеркәсіпті, сондай-ақ моноқалалар, шағын қалалар мен ауылдық жердегі кәсіпкерлерді қолдау.
Бағдарлама аясында кәсіпкерлерге несие алу үшін екінші деңгейлі банктерге барып, өз бизнесін дамыту мақсатында субсидия көлемін төмендетуге мүмкіндік беретін сыйақы барын ескертеміз.
Сонымен қатар, несие аларда кепілдікке қоятын меншік жетіспеген кезде «Даму» Қоры өз тарапынан алатын несие сомасының 85% пайызға дейін кепілдігін ұсынуға дайын.
Осы Бағдарлама басталғалы «Даму» Қоры өзінің тиімділігін дәлелдеді, өйткені Тараз қаласы бойынша 2010 жылдың маусымынан бастап 2018 жылдың маусым айын қоса есептегенде құны 22,6 млрд. теңгені құрайтын 314 жобаға қолдау көрсетілді. Оның ішінде 4,9 млрд. теңгеге алынған несиенің 112 жобасына, яғни 1,7 млрд. теңгеге кепілдік берілді.
